UNDERVISNING
I løpet av året tek vi i mot skuleklasser og barnehagar for dagar med tilrettelagt undervisning, der oppgåver knytt til natur, dyreliv og kunst ventar.
Aktivitetar har femna om Sommarskulen siste veka før skulestart, Naturskulen for born frå låginntekstfamilier og Pollinatorprosjekt for skulen.
Gjennom åra har vi utarbeidd fleire undervisningsopplegg for den lokale kulturelle skulesekken, hatt hospiterande friluftslivsstudentar, og hatt barnehageborna med i potetsettinga. Så ventar sjølvsagt potetkakefesten på hausten!
Frå eit barnehagebesøk med oppgåver i Land Art, samt oppgåveløysing og bålkos på Naturskulen.
Pollinatorprosjektet i Brekkegarden femnar om ei rekkje tiltak for å auke biodiversiteten på staden, formidla gjennom undervisningsopplegg, foredrag og nærmiljøtiltak. Saman med barnehageborn og skuleborn har vi sådd og planta, hatt skuletimar, utført og rapportert feltobservasjonar, og laga film. På bileta over, både søte scener og dramatiske scener, frå unge filmskaparar.
Hospiterande studentar frå friluftslivsstudiet i Volda arrangerer overnattingstur med bålkurs for lokal ungdom.