Sosial resept: prøveprosjekt i Sande og Ulstein
Ein veg mot ein ny kvardag
Har du lyst til å prøve noko nytt? Møte nye menneske, få betre kvardagar med meir meining? Starte ein ny hobby?
Treng litt hjelp i dette, men veit ikkje kvar du skal gå?
©Cecilie Hatløy
Kva er sosial resept?
Sosial resept er ei gratis verdsfemnande ordning, med målsetjing om å redusere isolasjon og gje oss betre helse og velvære.
Det er ei ikkje-klinisk teneste som kan legge grunnlag for positive og varige endringar, og eit betre samfunn for alle som bur der.
Du blir sett i kontakt med personar i lokalsamfunnet som vil støtte i prosessen med å finne fram til kva som betyr aller mest for deg, og ta dei fyrste skritta mot målet saman med deg.
Sosial resept er innfallsporten til:
-
natur-, kultur og idrettstilbod
-
sosiale møtestadar og aktivitetar
-
mulegheter for frivillig aktivitet
-
få kunnskap om tenestetilbod
-
og mykje meir i lokalsamfunnet
Korleis fungerer det?
Trinn 1: Ta kontakt med fastlegen din, og høyr om sosial resept kan vere noko for deg.
Trinn 2: Du blir sett i kontakt med ein koordinator som vil lytte til kva du er interessert i, og arrangere eit koplingsmøte med deg og ein frivillig aktivitetsvenn.
Trinn 3: Du og aktivitetsvennen oppsøkjer saman tilbod du er interessert i og som er rett for deg. Du kan prøve fleire tilbod.
Trinn 4: Aktivitetsvenn og koordinator held kontakta med deg for å høyre korleis det går, og om tilboda er slik du håpar.
Har du fastlege i Sande eller Ulstein: snakk med legen din om sosial resept.
Du kan òg kontakte NaKuHel Sunnmøre direkte dersom du ynskjer meir informasjon.