Act Belong Commit - pilot i Møre og Romsdal

ABC for god psykisk helse er ein nasjonal folkehelsekampanje som viser korleis aktivitet, fellesskap og meining styrkar livskvalitet og psykisk helse. I 2025 er kampanjen rulla ut i heile landet, og NaKuHel Sunnmøre er ein av fem pilotar i Møre og Romsdal. Det fylgjande året skal vi etablere eit  lokalt ABC-nettverk, og i samarbeid med Sande og Ulstein kommunar gjennomføre eit prøveprosjekt med sosial resept. Målgruppe er heile befolkninga, og våre målsetjingar er fylgjande:

​

• Legge til rette for betre helse og livskvalitet i befolkninga gjennom auka deltaking i frivillig organisasjonsliv, natur- og kulturaktivitetar

• Kapasitetsbygging i både offentleg og privat sektor, med auka kunnskap om kva som utgjer effektive folkehelseintervensjonar

• Etablere eit nettverk av frivillige organisasjonar på tvers av kommunegrensene som vil ha verdi ut over prosjektperioden

• Bidra til kunnskapsutvikling om korleis vi skapar og opprettheld kjensla av meining, motivasjon og samanheng i liva våre.